30 ANOS
Sábado 14 de setembro de 2024
A Vella Garda da Troita Armada traballa arreo para celebrar máis unha data senlleira. Ocasión de remozar as vellas fidelidades, de ansiados reencontros, de afondar na permanente reinvención e de non esquecer que malia as nubes negras da involución que pairan no horizonte, malia as teimudas marcas do tempo, malia que Compostela xa non sexa a mesma, aínda podemos xuntarnos nun espazo onde recoñecernos, que é o que nós facemos del e que será o que nós queiramos que sexa. Parece moito dicir, mais seguiremos improvisando e xuntarémonos para dicilo alto, claro e con alegría: Hai callos!