APOIO A PALESTINA
Sábado 12 de outubro ás 19:00 na Troita Armada
SUSPENDIDO ATA NOVA DATA
Toda axuda é pouca ante unha barbarie que segue en escalada. O motivo desta convocatoria é recadar axuda económica para as vítimas, que faremos chegar a través de UNRWA.
A doazón mínima será de 10€.
O aforo é de 50 persoas. Para acudir hai que inscribirse en info@atroita.es
Contaremos cunha charla e coloquio con Mohamed Safa, médico e activista; a poesía de Marga Tojo e a música de Xosé Constenla.
Ao final do acto serviremos un aperitivo.
Mentres preparas o almorzo, pensa nos outros
(non esquezas darlle de comer ás pombas)
Mentres libras as túas guerras, pensa nos outros(non esquezas a quen busca a paz)
Mentres pagas a factura da auga, pensa nos outros
(naqueles que beben das nubes)
Mentres volves á casa —á túa casa— pensa nos outros
(non esquezas a xente do campamento)
Mentres durmes e contas estrelas, pensa nos outros
(naqueles que non teñen onde durmir)
Mentres expresas a túa metáfora, pensa nos outros
(naqueles que perderon o dereito de falar)
Mentres pensas nos outros lonxe, pensa en ti
(e di: cando menos ser unha candea na escuridade)
محمود درويش (Mahmud Darwish, 1941-2008), poeta palestino.